Hello！我係阿占，好耐無同大家見面，自從拍完《阿笨與阿占》，阿笨就話要搞啲新意思，要去轉行做特務，估唔到佢好快就成功上位，在眾多猩猩之中脫穎而出，成為首位猩猩特務，首項任務就係協助特務Mike救佢個女同防止大災難發生，立即去片睇睇《特務阿笨》點發威！
Start
話說特務Mike同阿笨一向合作無間，有次Mike身陷險境，全靠阿笨單人匹馬闖入營地救佢。
時間好快過咗十年，自從Mike退出之後，阿笨都好無癮，唔再接受任務，隱姓埋名響馬戲團做台柱，間中表演一下身手，閒時就打PS2，唔知佢打咩遊戲呢？
壞蛋費尼博士捉咗Mike個女，Mike第一時間搵做緊家務嘅阿笨幫手。
交通工具就係呢架比現時所有飛機都飛得快嘅飛行器。
阿笨第一站去牙買加搵阿Mike拍檔愛瑪博士幫手，一出場，嘩，咁正！
阿笨追捕壞蛋中途從直升機跌下，好彩地上積雪夠厚，更遇上日本忍者……
Mike同愛瑪會身陷險境，好彩阿笨交足貨，次次都搏晒命救人。
tobecontinued
阿笨、Mike得一班忍者幫助，同費尼手下大打出手，結局係點？唔講住，當然最後終於將危機解除啦。
阿笨絕招
阿笨劍法
阿笨識唔識中國功夫就唔知，不過全靠佢使用一招「阿笨劍法」，將敵人擊退先救到Mike。
Ｘ光眼鏡
唔好以為阿笨戴呢個眼鏡係扮型，其實具備Ｘ光功能，可以穿牆透視，掌握敵人位置。
對付KGB
阿笨身手好出名，連KGB都欣賞佢，要捉佢返去為KGB賣命，最後當然被阿笨打低晒！
滑板仔
唔講你唔知，原來阿笨玩滑板都有一手，響大街人來人往、穿來穿去都無有怕，來去自如。
售賣點：DVDPro
地址：旺角德發商場地庫B4號舖
電話：23326326
記者：許福合
製作特輯 必睇！
同動物拍戲係好高難度，睇完正場電影後，記得睇埋製作特輯，當中包括導演同演員訪問，仲可以睇到原來好多鏡頭都係電腦效果做出來，真係唔講唔知，不過最好睇都係點樣令到阿笨照住導演指示演戲，原來好大陣仗㗎。
