講真，如果叫我揸住部啲塵鋪到成尺厚嘅車出街，第一個反應肯定耍手兼擰頭，搞到人哋以為我係個搵條布抹抹部車都懶嘅人；但最近喺網上見到啲好過癮嘅相，話美國正正有位仁兄，不知幾恨遇到部「沙塵車」，原因就係佢可以將你部車當成畫紙，慢慢喺上面畫番幅靚畫咁話。
雖然喺E-Mail入面，並無提過呢位仁兄姓乜名乜住喺邊一處，只知他是來自美國，並且最愛揀選一啲車身鋪滿塵的車來當畫紙，兼且仲要唔係求其是但亂咁畫嗰隻，而係用畫筆逐筆逐筆慢慢畫；從一齊Sent嚟嘅相片可以睇到，呢位「沙塵車」畫家將兩部鋪滿塵的MINICooper及Mazda3變成畫紙，而主要作品則是著名的蒙娜麗莎、人像，就連聖誕老人都有，厲害厲害！如果你部車都係咁大塵，不妨考慮一下咁做喎！
記者：鄭達基
