踏入新一年，1月份足球的轉會市場重開，也就特別多那些球星動向的新聞；碧咸到底會否同皇馬續約，抑或會蟬過別枝呢？
回想起來，談論他轉會的消息已經近半年了，最初有版本說是皇馬要壓他價，現在的報道則說其實有人工加，只不過肖像權仍談不攏而已。
買賣球員為何設時限？
一日未定案，傳聞消息都是過眼雲煙，足球的轉會市場機制真特別，限定時間讓球會買賣人才，但為甚麼要限時限刻呢？問過熱愛睇波的朋友，卻也未知原委，只道這是國際足協規定。
有冇專家可以指教我呢？是不是頂級足球運動雖已9成9商業化，卻仍要保留點點體育精神，以免過度炒賣人腳，令球隊組不成隊形呢？
碧咸現時的情況，則令人想起股票停板：成日都只當後備，漸漸過氣就愈來愈不值錢了；即使「復牌」可以再買再賣，亦已經賣不到高價。
像馬一樣，任牠過往戰績如何光輝，跑了16、7次，又快5歲了，買家多數都耍手擰頭呢！
張美德
記者出身的著名馬評人，現職馬會節目主持人。