「西班牙豬肉係全世界最好，仲好食過日本黑豚肉呀！」無想過此話出自日本大廚三本先生口中，究竟係咪真㗎？連日本人都話好味過東瀛自家的黑豚肉？一定要問個明白。
記者︰方綺君
攝影︰伍慶泉
豬肉肥膏脆卜卜
到伊呂波日本燒肉店一嚐西班牙豬肉，日籍廚師三本先生話︰「西班牙豬肉好食過日本黑豚肉，特點係燒好之後肥膏部份又脆又香。」煎的時候豬肉漏出的油非常搶火，我特登燒熟啲，落入口的時候咬到肥膏卜卜脆，豬肉仍然非常嫩滑。日本人食燒肉時更喜歡加點洋葱絲及蘿蔔絲等蔬菜，增加口感之餘又健康。
西班牙豬肉$200
連日籍廚師三本都話︰「西班牙豬肉係全世界至好。」150g一碟，去貨量都幾勁，試過第1日入貨當晚賣清光。
香草前菜盤$30
蔬菜全部有機，夾上肉一同吃是日本人至愛食法，開胃又有益。以海鮮醬油及檸檬汁點鹽燒的食物最惹味，尤其是牛舌，燒汁可以配搭任何燒物。
日本鹽帶出牛味
除了極力推介的西班牙豬肉，牛肉亦是首選，由牛排到牛舌，通通採用上等的澳洲M12級和牛，根據三本先生的經驗，只須略略用日本鹽灑上面鹽燒，已經好好食。全店用的都是日本製電爐，比用明火更加能迅速鎖住肉汁，而且溫度高過明火，燒好的肉加倍Juicy同軟身。為配合食物的味道，三本先生自製海鮮醬油和燒肉醬油，放入特別材料烹調再存放一段時間才給食客享用，心機和工夫絕對不少。
特式壺漬牛肉$160
師傅口密，完全不肯透露醃料的成份，只知道有水果及香料等。落單後才切牛肉條再浸入醃料5分鐘才上枱。
特式壺漬牛肉至好燒法︰
1.將牛肉整條用大火，燒至四面外皮轉色。
其他推介：海鮮拼盤$200
有三文魚、北寄貝、帶子、蝦、松葉蟹、魷魚。全部由日本新鮮空運到港，最鍾意帶子肉，大過5蚊硬幣2倍。
海鮮石頭鍋飯$100
推介菜式之一，美味的炒飯底，加埋蟹腳、蝦肉同魷魚放在燒得熱熱的石鍋內。食前要落一個雞蛋牛尾湯，吸收湯汁後的飯底軟綿綿。
讚︰
特式壺漬牛肉做得非常出色，在街外未試過類似的款式。
彈︰
走中上路線的日本燒肉店，價錢都唔平，人均消費要$300至$400。
食神評級（5★為滿分）
食物︰★★★★★
環境︰★★★★
服務︰★★★
價錢：★★★
睇路搵食：
伊呂波（28829877）
地址︰銅鑼灣渣甸街50號渣甸中心2樓
營業時間︰星期一至日12:00nn-3:00pm、6:00pm-3:00am
座位︰110個
交通︰銅鑼灣地鐵站F出口
