市面上有各類成藥可以排毒，問題係價錢都好貴吓。其實想排走毒素，唔一定要落重本兼食啲另類嘢嘅，日常一啲好簡單嘅食物，例如冬瓜、豆腐、荷葉、鯉魚等都可以有同樣功效；據中醫解釋，由於呢啲食材有利水作用，可以清熱解毒，食多啲，自然人都靚啲。
記者：林佩婷
攝影：何家亮
示範：東宮副總廚張福敍師傅（23155166）
資料：香港註冊中醫莊惠玟
至尊蟹箝
需時：20分鐘
價錢：$60/2人
材料：肉蟹蟹箝4隻（去殼）、豆腐1件、火腿片少許（切絲）、小棠菜4棵（烚熟作伴碟）、日本蟹子少許、水適量
芡汁：上湯4両、生粉少許
做法：將豆腐切成四塊，然後放上蟹箝及火腿絲，大火蒸5至6分鐘。煮熟芡汁，然後淋上蒸熟的蟹箝面。最後放上小棠菜及日本蟹子伴碟完成。
貼士：記得要買新鮮蟹，先至可以不用調味料，吃出鮮味。
豆腐售價
（a）$2/磚 平之選
（b）$5.8/125g
（c）$4.5/300g
（d）$8.5/磚
金蒜玉龍
需時：30分鐘
價錢：$50/2人
材料：海中蝦8隻、冬瓜1/2斤（切4塊中間挖空少許）、金銀蒜共1両、小棠菜4棵（烚熟作伴碟）、鹽及胡椒粉少許、日本蟹子少許、海鮮豉油少許
做法：4隻海蝦切蝦頭去殼留尾，挖空蝦頭。4隻蝦打成蝦膠，加入鹽及胡椒粉，釀入剛才處理好的蝦頭，然後在蝦頭沾上蟹子。在完整的4隻蝦中間背部開一小刀，將尾部屈入再反出，之後以鹽、胡椒粉及金銀蒜調味，放入已挖好的冬瓜內，大火蒸約5至6分鐘，最後加少許海鮮豉油。
海中蝦售價
（a）$48/斤 平之選
（c）$68/斤
（d）$35/100g
燕盞荷塘白玉翅
需時：2小時
價錢：$180/4人
材料：碎燕2錢（浸發）、荷葉1塊、冬瓜4両（切幼絲）、翅3両（浸發及煲好）、上湯12両、鹽、雞粉及胡椒粉各少許
做法：將浸發後的碎燕用大滾水焗約2個鐘頭，然後隔去水。冬瓜汆水後再用上湯浸一浸。最後將所有材料放入湯內，大火一煮滾即熄火，最後加鹽、胡椒粉及雞粉。之後倒在預先鋪上荷葉的碟內上桌。
冬瓜售價
（a）$3/斤 平之選
（b）$3.6/斤
（c）$3.3/磅
（d）$6/748g
番茄薯仔牛尾煲
需時：4小時
價錢：$40/4人
材料：番茄2個、薯仔1個、牛尾12両、洋葱1個、西芹1両（西芹切粒，其餘材料切件）、鹽/雞粉少許
醬汁：茄汁2両、喼汁少許、冰糖1両
做法：將牛尾汆水後再用油炸一炸撈起，爆香洋葱、番茄及西芹，再加入醬汁，之後放入牛尾，加水至蓋過食物面，慢火煲約3小時。之後放入薯仔煲約10分鐘，落鹽及雞粉即成。
貼士：牛尾一定要有皮先好食。可用火燒去皮毛，再用刷刷亁淨油脂，否則會有羶味。
番茄售價
（a）$5.6/斤 平之選
（b）$5.5/300g
（c）$6/斤
（d）$9/4個
鮮菌人參煀鯉魚
需時：30分鐘
價錢：$60/4人
材料：鮮人參1條（約1両切片）、鮮冬菇、白菌及雞髀菇共1/2斤（切片切粒）、薑葱各1両（切片切條）、鯉魚1條（約1斤）、柱侯醬、蠔油、雞粉、胡椒粉、紹興酒、生粉少許、油適量、水12両
做法：鯉魚去內臟洗亁淨，先爆香薑，再猛火燒紅鍋轉細火煎鯉魚至金黃色撈起。爆香薑葱，加入柱侯醬、紹興酒及12両水、蠔油、雞粉、胡椒粉及人參片，之後加入鯉魚冚蓋用中火煮約15分鐘。最後將煮過的雜菌倒入鑊，再加生粉便成。
貼士：煀鯉魚時記得用中火，因為細火魚肉會霉，大火容易黐底。
鯉魚售價
（a）$16/斤
超市/街市資料
a.良景街市
屯門良景邨良景街市
b.吉之島
聯合道樂富中心第2期
23393388
c.百佳
西九龍海庭道18號奧海城II期G1至10號舖
27404174
d.city'super
尖沙嘴海港城3樓3001號舖
23758222