對於20多歲朋友，想必兒時定放過風箏吧！回想小時候，能成功「起鳶」者寥寥可數，大多數只係旁觀吶喊助威。大個咗想補償呢個小小遺憾，不妨趁住呢排天朗氣清，到出名勁風嘅大坳門郊野公園紙鳶專區，順風時包你5秒即可起鳶！
記者：陸伊琳
攝影：楊錦文
模特兒：家健、Va
今天大坳門拉近了許多
將軍澳發展蓬勃，交通方便，鄰近的西貢大坳門不再像從前那麼遠，不喜歡從彩虹入西貢，也可選擇較方便的將軍澳路線到達。我們就駕着Mazda6Wagon旅行車，經將軍澳隧道到坑口，繼而向清水灣那邊的大坳門進發，旺角到目的地不消40分鐘。
20年後重遊故地，山坡壯闊、感覺依舊，早準備3隻紙鳶預咗飛晒落山失敗收場，點知山坡風力實在強勁，一拋一放跑幾步已可成功起鳶！滿足感油然而生，亦彌補了童年不甘心回憶。
燒烤爐一樣多，不同是加添了幾個電爐，還開闢了條樹木研習徑；登上山坡頂更可遠眺果洲群島，看着清水灣景色，這刻完全拋開城市人煩惱。
直落小漁村食海鮮
大坳門附近亦有很多景點，幾分鐘車程便到；想看古迹可到西貢佛堂門的大廟，入口前約有5、6個車位，泊車後沿小徑行，不遠就會見到大廟灣石刻，這是香港最早有紀念的石刻，於1274年起座落於此，記載有關鹽官到南北佛堂門遊覽歷史。小漁村布袋澳亦離此不遠，在那處有很多露天海鮮檔，即揀即煮，伴着漁村風景，嗅覺與味覺同樣充斥着鮮味。
Mazda6旅行車唔會壓爛紙鳶
我們此行選擇Mazda6Wagon皆因貪佢有大大個車尾廂，可以Unlimited放晒所有旅行用品上去，燒烤用品、旅行袋……最重要可要把紙鳶攤開來放，避免壓爛，空間大就有這個好處。此外，由於多山路，Mazda6Wagon的車廂比較闊落，令大家坐得舒適自在，再者擁有2,261c.c.引擎，馬力達169ps，坐滿晒人上山路都未擔心過，略嫌個包圍，型就型，但到了一些爛路或上壆就可以刮到個鬼面罩下的包圍。
全程免費泊車
人大了懶了許多，最好出入都有車接載，今次幾處景點：大坳門、布袋澳及大廟附近都有路邊車位，而且是免費的，不用計較泊車費而限時限刻去玩，真正可以盡興而返，不過提提大家，布袋澳及大廟的車位有限，泊滿了就要行遠啲選擇附近的車位。
抵讚：
雨點感應自動開關水撥及調節速度，大雨時自動撥快些，非常聰明方便。寬闊車廂令乘客感覺舒服。
要彈：
加了大包圍近乎貼地，作為旅行車每每都可能會遇上爛路、上壆的情況，好易刮到車頭包圍。
Mazda62.3Wagon規格
引擎：2,261c.c.直4引擎
馬力：169ps/6,500rpm
扭力：21.5Kg-m/4,000rpm
傳動：5前速+/-自動波
售價：$239,900
查詢：28931112（萬事得汽車）
