愛美之人要靚唔要命，何況只是自插雙眼？單身人士渴望有個伴，單眼皮一族也千方百計想眉下一片皮膚成雙成對，日本有一種自製雙眼皮膠水，只消塗在上眼瞼，再用小叉「拮」眼皮便可令雙眼皮現型，然而DIY過程頗為嚇人，貪靚一族小心雙眼皮變傷眼皮。
出產該雙眼皮膠水的化妝品公司特別拍攝短片教人如何使用，最令人不安之處是模特兒用小叉「拮」眼皮時，幾乎整個眼球外露，據短片示範，「拮」得愈大力愈深入，雙眼皮線條也愈明顯。如果短片顯示的效果是真的話，成功自製雙眼皮確有變臉般神奇效果。
洗膠水易令眼皮鬆弛
不少網友也想擺脫平凡的單眼皮，Kenix稱受這問題困擾多年，「用眼皮貼好易俾人睇到，又唔係次次都貼得好，真係好麻煩。」她認為用膠水較易掌握，但缺點是洗膠水時易令眼皮鬆弛，後遺症可大可少。上述美容產品香港市面有售，價錢約數十元，由於DIY雙眼皮過程可能有機會損傷眼睛，部份零售商有提示呼籲小心使用。香港曾發生婦人塗過量雙眼皮膠水致上下眼瞼黐埋的意外。
