基斯坦奴朗拿度（C朗）今屆有出眾表現，幫曼聯喺英超聯以6分放甩次席嘅車路士，頓成大紅人。但C朗經理人佐治文廸斯日前就爆料，佢話喺上季季尾曾向巴塞隆拿送秋波，只係巴塞唔睬佢，寧願打阿仙奴前鋒亨利嘅主意。巴塞好耐之前簽入與C朗同類型、𠵱家效力波圖嘅葡萄牙翼鋒哥拉斯馬，結果失敗收場，難免對C朗有啲戒心。