我求大俠對國際米蘭前鋒列高巴嘅技術經常讚不絕口，但無可否認佢真係一舊豆腐，得罪講句一掂就散。國米歇冬前贏阿特蘭大2:1場波，列高巴都有份上陣，但初段就因傷退下火線，最近軍醫驗吓驗吓，先發覺呢位烏拉圭前鋒小腿傷勢嚴重，𠵱家至少要唞3個禮拜。列高巴現時已30歲，加上有對玻璃腳纏身，睇嚟佢嘅高峯期已經過晒。