母愛令人改變！去年11月12日為張智霖誕下兒子、榮升媽咪的袁詠儀，昨日路過中環置地廣場，不施脂粉、穿上Moncler羽絨褸的靚靚，友善地停下來與記者傾談，大講湊仔經。
「幫個仔𢭃利是」
靚靚透露到Covacakeshop訂10磅大蛋糕，慶祝姨甥女一歲生日，她謂兒子已經兩個月大，靚靚說：「滿月都係一家人食吓飯，唔會擺百日酒喇，咁老套。」外傳多間纖體公司大打金錢及友情牌，力誘她拍纖體廣告，靚靚說：「好多間，我推晒喇，唔想着泳衣，後生女就話啫，都做咗人阿媽，就算着少啲布都唔想。」她承認張玉珊曾經游說她，靚靚說：「佢多年來贊助我減肥、排毒都冇計較，但佢冇迫我。」
靚靚透露沒有特別補身，反而今個月開始做運動減肥，老公陪她行山、跑步，希望成功減去15磅，她笑住說：「農曆新年我唔出埠，要留喺香港幫個仔𢭃利是，我係一個貪錢嘅阿媽！」
此外，楊崢前日路過金鐘太古廣場，她透露剛放長假返港，她說：「我同成班朋友去法國同英國度聖誕同新年，好開心！喺法國一個好細嘅小島，都遇到香港人。」
採訪、攝影：JessicaNgan、GeneNg
