現年仲係得29歲兼曾打破世界轉會費紀錄嘅巴西球星丹尼臣，近年足球事業相當潦倒，記得98年由聖保羅轉投貝廸斯時令人憧憬，可惜名過於實。之後丹尼臣去過波爾多，今季就效力緊沙地球會艾拿沙，不過日前已經約滿，仲冇得續約㖭。有傳丹尼臣頹到要過南韓K-League搵食，一代巴西球星咁嘅收場，邊有人會諗到吖？