禮拜六係盃賽世界，可能會出現唔少冷門，筆者取李斯特城主場和富咸1:1，而唐卡士打迎戰保頓亦不敗，冷吼2:2。
「李城」踢盃賽醒
睇李斯特城咁多年，雖則球會陷入低潮踢緊英冠，而最近5場主場比賽輸3場，但呢隊波傳統上踢盃賽有貨交，禮拜六主場對富咸絕對有得打。富咸有最值信賴嘅門將尼美養傷，而今季14場作客贏得1場咁大把。假如唔係「李城」近況麻麻，我甚至博「李城」贏。
唐卡士打只係甲組仔，但近兩季踢盃賽嘅成績真係好好，今季喺英聯盃同英足盃法定時間都無輸過波。保頓在快車期作客利物浦大敗，強勢不再，加埋可能全力爭聯賽前4名，戰意成疑。唐卡士打今季英聯盃和過打比郡3:3，今次一樣吼大波膽，博2:2。
串「米堡」賓菲加W
扒完冷，貼番場熱門，「米堡」同「李城」一樣，傳統上盃賽醒，作客侯城有望小勝，可吼2:1；過關整多場葡盃，賓菲加實力遠勝名不經傳嘅拜路，輕鬆大勝冇難度，可考慮贏3:0或以上波膽。
文：藍鑽石