絕大部份女藝人不認拍拖，不過認恨嫁就沒所謂！應采兒昨日在銅鑼灣宣傳時坐三輪花車兼拋花球，先後與孫耀威和黃曉明傳緋聞的她，揚言想趁金豬年結婚兼生仔，還笑說要立刻趕回家生金豬仔，不知她趕着見誰呢？
應采兒昨日在銅鑼灣出席護膚品牌Clinelle活動時，乘坐粉紅三輪花車抵達會場，及後她還拋花球和派護膚贈品，成功吸引市民圍觀，幸好沒有造成混亂。
大會安排了人形公仔跟應采兒交換戒指，應采兒揚言恨嫁，她說：「嚟緊係金豬年，60年先1次，我都好想喺呢年結到婚，生埋金豬仔，不過要生，𠵱家就要趕返屋企做，唔係就趕唔切。我同爸爸都屬豬，好想三代都係豬，不過到𠵱家未試過有人向我求婚，冇心儀對象唔可以亂嫁。」
倒米自認駁髮
早前黃曉明與劇集《鹿鼎記》中七個老婆，包括應采兒在內，一起拍攝內地洗頭水廣告，最近更出席廣告商舉辦的派對，不過應采兒竟然玩踢爆倒米，她笑說：「黃曉明光頭，佢戴住個假髮，我啲頭髮都係駁髮，但大家係拍洗頭水廣告，好搞笑。遲啲我哋八個人會再拍一個同交通工具有關嘅廣告，雖然個廣告係八個人拍，但酬金唔會少咗喎，呵呵！」
早前應采兒與黃曉明拍《鹿》劇時傳過緋聞，應采兒暗指有人想搞宣傳，她說：「套劇10月至上，8月至做宣傳，到時至再傳（緋聞），之前話佢畀西瓜我食，其實我鍾意食蘋果同士多啤梨。」
採訪：魯萍
攝影：陳志嵐
