謝安琪噚日到商台接受訪問，上圍一向平平無奇嘅佢出席叱咤頒獎禮時穿上低胸裝，即時令人眼前一亮。馮仁昭問佢懷孕後係唔係升咗cup，佢笑住話：「明明就冇升cup，又冇谷，係有都去晒個肚啦，自己一向都唔勁。」佢話出席完幾個頒獎禮後，就會休息安胎。至於婚禮就準備好晒，但婚宴唔會玩新郎新娘。