韋斯咸元旦日喺英超聯以0:6敗走雷丁，佢哋嘅冰島籍新老細馬路臣話好對唔住隨隊睇比賽嘅2,200名球迷，所以嚟緊喺下月3日作客對阿士東維拉嗰場英超聯賽事，會免費招待約莫4,000名球迷到維拉公園球場睇波。馬路臣本身係生意人，肯定唔會做蝕本生意，佢呢招免費招待球迷睇波擺明係耍花招，既可平息民憤又有宣傳作用。