在娛樂圈逾36年、58歲的甘國亮，當過演員、編導、監製、電視台及電台行政人員，近日再玩突破，自資出唱片做歌星。原來甘國亮早在70年代已在《歡樂今宵》唱英文歌，甚至一度與關正傑爭唱廣告歌，絕非一般樂壇新人咁簡單！
甘國亮繼為香港電台電視部擔任《數風流人物》主持後，近日又有新搞作，喜歡扮鬼扮馬的他，貪得意扮蝙蝠俠拍照留念，接受訪問時又特地扮超人，盡顯扮嘢本色。
同關正傑爭歌
另一方面，甘國亮將會推出首張個人大碟《微妙的安排》，以一個入行36年的製作人兼藝人而言，似乎遲了起步，但他卻不以為然，日前他接受訪問時說：「其實我70年代已經喺《歡樂今宵》唱過好多歌，當年主要係同苗嘉麗唱英文歌，仲有石修，大家都有一齊夾歌，間中都有同嘟嘟（鄭裕玲）一齊做騷表演。」
甘國亮笑言曾與關正傑爭唱廣告歌，他說：「試過有一年，有個朋友介紹我唱一首廣告歌，係將PaulAnka嘅《Timeofyourlife》改編成中文，搵咗我去試音，當時仲未紅嘅關正傑都有份試，結果首廣告歌畀佢唱咗。」
問甘國亮是否想轉行做歌星？他卻連聲否認：「我唔打算去嗰個戰場，唔係要做一個矚目嘅歌者，我只係覺得有好多好歌俾人忽略咗、淡忘咗，所以攞番出嚟填過中文歌詞唱，就好似今次我錄呢首國語歌《微妙的安排》咁，係改編自60年代一首好出名嘅法文歌《LesMoulinsdeMonCoeur》，其實唔一定係我自己唱，如果食到呢條水，下次我搵第二個唱都得㗎。」
附送火辣MV
新碟還附送甘國亮與女模DanielL.的辣身MV，由揀歌、洽購原曲版權、填詞、主唱、製作MV以及投資，全由甘國亮一手包辦，但他表示今次請來不少老友幫忙，包括有份參與填詞的邁克及人山人海等，可謂眾志成城。
採訪：戴彩煥
