農曆新年就快到，阿媽開始密鑼緊鼓換屋企啲舊電器。佢噚日已經同我講過年前要換雪櫃、電視機、熨斗……嘩，計落條數，起碼都要成萬蚊，肉都赤埋。我數口都好精，即刻聯絡商場啲老友傾吓，原來鑽石山荷里活廣場喺今個月11至16號舉辦大型影音家電展，各式影音家電產品低至二五折超值優惠發售。
特價電器一應俱全，有手機、電視機、影音組合同家庭小電器等，原價19,880蚊嘅Sony無線家庭影院組合特價5,980蚊；原價15,980蚊嘅Toshiba43吋投影電視機賣3,980蚊，不過係限量發售，好似特價2,490蚊嘅Sony數碼相機得三部咋！活動喺中午12點先開始，但係都要趁早排隊，免得錯過啲筍價限量產品。
逢周一至周四刊出