「我阿哥食軟飯！」網友WhiteTea有個非一般大佬，雖然正值三十出頭精壯之年，但卻愛有錢老女人。近日大佬與一個年紀足以做他母親的女人一起，「個女人畀錢佢，畀車佢揸，買貴嘢畀佢，最可怕係個女人真係好醜樣，大約40至50歲，打扮有啲姣，穿迷你裙，冇老公。」
網友WhiteTea稱大佬無業，「專心食軟飯，平日飲酒去玩。佢一向都靠女人，如果個女人畀唔到錢，佢就同人分手，喺別人眼中真的會覺得佢好似做鴨咁。」令她最無奈的是，她的媽媽也無反對，「連我阿媽都唔覺有問題。」
她說現時與大佬及母親出街吃飯，會感到家人影衰自己，但又不想與家人反面，惟有視若無睹，「一家人真的有今生冇來世，怕講出嚟傷感情。」WhiteTea在BeautyExchange「呻」，姊妹勸她看開一點，認為男求錢財，女尋開心，外人難以置喙。郭師奶最正義，叫WhiteTea疏遠大佬，「你唔好再同大佬食飯，費事食佢啲拖鞋飯。」不過其他網友認為香港人笑貧不笑娼，yanly指食軟飯又不犯法，「有咩問題呢？」