上星期台灣震一震，除咗睇唔到網頁、打唔到長途電話，更令一班網上遊戲發燒友大叫救命，事關大多數受歡迎網上遊戲，伺服器設於台灣，平時連線質素都唔係好，今次光纖斷咗，當然大叫救命！
有網友喺討論區叫苦：「出街要使錢。幾時先整得番呀？考完試，諗住可以玩吓打吓機，操吓Level㗎。」
有啲黑仔玩家，地震前先買點入咗月費，都唔知幾時先入到Game！其實入到Game都未必係好事，因為Lag情況好嚴重，「一入到Game，畫面都未出，就見到人物已經死咗，連被邊個打死都唔知！」唔想遇到呢種慘況，奉勸各位都係睇定啲好。
上網打唔到機做咩好？平時出團無時間追劇集，𠵱家可以睇番夠本，又或者去買部PS3、Wii過吓癮先。
記者：許福合
http://www.uwants.com/viewthread.php?tid=3192043&extra=page%3D2&page=1