真係開心，男友送咗部MP3畀我做新年禮物，但係跟機嘅耳筒啲聲麻麻哋，梗係要同男友投訴！佢話消委會啱啱測試咗巿面33款嘅耳筒，其中一款無線耳筒Logitech嘅WirelessheadphonesMP/iPod，最適合MP3機，啲聲都唔錯，只係中音稍為弱啲，價錢1,000蚊有找。
但講到有線大耳筒，測試成績最好係Bose嘅QuietComfort2，外形係大啲，但夠輕，音色優美透徹，有消噪功能；屋企用又得，出街又得，但價錢就貴啲，要成2,780元。嫌貴，排名第二嘅GradoSR60，低音強勁有力，音色平衡有空間感，650蚊仲係美國貨。
咁抵，我即刻帶埋男友去買番個，仲扭大音量試吓威力。男友叫住唔好開咁大聲，消委會話開咁大聲，會導致聽力受損。我見佢口郁郁，都唔知佢講乜，唔通我聾咗！
逢周一至周四刊出