昨日恒指升近350點，而H股指數亦不遑多讓，全日升約300點。不過，市場另一焦點是熱炒半新股，中交（1800）、興達（1899）及錦江（2006）升勢驚人，前兩者升約10%，後者更升13.7%。《香港討論區》網友都稱半新股升幅嚇人，升到「黐線」，並指短期仍有上升空間。
「我隻錦江終於望到家鄉」
錦江升唔停，令到上市首日高追的蟹民鬆綁，網友ab123ab開心咁話：「阿媽，我隻錦江終於望到家鄉啦！」網友Yuk_Tung就更好彩，昨日短炒錦江，朝早以3.98元買入2萬股，當股價升到4.2元就放咗，一日已賺超過4000元。
中交亦獲大戶追捧，網友anskar指：「中交最後召集，前途一片光明，是時候爆上，呢兩日會升到黐線，相信中線可睇10元。」hkboyhk2好同意此講法，稱：「唔好唔記得中交將會入大摩資本指數（MSCI），基金掃緊貨，抽亁貨源之後，一推就上啦。」
另外，對於興達的升勢，網友細花笑言：「興仔要生性，雖然3.5元有阻力，加油再衝，忍咗幾日終於爆上。」