求驗客手記:廸亞高膺最佳實至名歸

求驗客手記:廸亞高膺最佳實至名歸

德甲上半季最佳球員選舉,雲達不來梅嘅巴西中場廸亞高以49.6%票數當選,個獎由德甲球員投票選出,夠晒代表性喇!講真不來梅現時排榜首,入8球波嘅廸亞高居功至偉。求大俠記得當年佢同羅賓奴一齊喺巴甲山度士打響名堂,可惜廸亞高去歐洲後發展一路都唔係咁好;𠵱家見佢成為德甲頭號球星都好開心,希望佢繼續踢多啲好波喇!