韓國導演朴熙俊曾執導由黎明主演嘅電影《天使夢》，佢最近諗住開拍一部愛情片叫《憤怒的牛》，預計今年7月上映，女主角係一個啞女，導演打算搵陳慧琳（Kelly）演出。噚日馮仁昭同Kelly嘅經理人鍾珍傾電話，佢話：「導演一早已經將劇本譯成中文寄畀我哋，佢哋仲想Kelly唱埋主題曲，𠵱家大家仲傾緊，Kelly對於今次嘅角色都覺得好有挑戰性。」