曼城希臘前鋒森馬拉斯周一後備入替梅開二度，助球隊2:1擊退愛華頓，確係旺場！呢名21歲小子從荷甲海倫芬加盟後，深得領隊皮亞斯重用，據講後者有意「故技重施」，再去荷蘭揀卒，務求再執筍貨；求大俠覺得，𠵱家荷甲水準良莠不齊，有時真係要講運氣，好似基士文嚟到英超，即時由球星變「球員」，是龍是蟲真係好難分！