車路士無泰利壓陣，上年年尾幾場波後防都唔掂。領隊摩連奴眼見泰利前日開始操番，就決定喺本周中整場閉門預備組比賽，希望操弗佢。車仔人強馬壯，估唔到要為一個主將特登搞場波，認真大陣仗。話時話，據講摩連奴想泰利喺下周三對韋甘比場英聯盃，或周末對馬爾斯菲場足總盃復出。查實兩隊咁弱，唔使咁急啫！