前車路士嗰位挪威前鋒長人費奧，唔經唔覺已經33歲，佢效力緊嘅挪超華拉倫加話唔會同佢續約。不過費奧依然仲有吸引力，據講英冠列斯聯好大機會接收佢。鬼咩，𠵱家列斯聯領隊係韋斯，以前同費奧係車仔隊友，梗係會照住呢位前隊友啦。不過費奧周薪得6,000鎊（約91,000港元），有波入就加1,000鎊，條件嘛嘛咋喎。