是夜無月星早去，彩記駕着保時捷911Targa4S上飛鵝山吹風談心；四野無人，彩記色心起，手搭向剛相識的Wet妹膊頭，嘟長嘴，四片嘴唇差零點零零零一毫米接上之際，Wet妹指着擋風玻璃尖叫：「嘩，頭先有個黑袍白影飄過呀！」彩記故作鎮定：「咪杯蛇鬼車、生人唔生膽啦！」「嘩，隻嘢飄緊埋嚟呀……」「邊Q度呀？唔……」兩人二話不說喪奔標上車，5分鐘後極速返市區，彩記舒一口氣：「好彩架車0-100公里加速只需4.9秒，鬼都追我哋唔到咋。」文：尉遲一
解說
杯蛇，與杯弓蛇影同義；鬼車，指傳說中的九頭鳥。「杯蛇鬼車」指的是實際上不存在但又令人疑心生暗鬼的魑魅魍魎，用來形容人自己嚇自己。