當紅藝人最怕被翻舊賬，衞蘭和衞詩21歲時兼職模特兒所拍下的肉照，昨日被雜誌刊登，兩姐妹情緒大受打擊臨時缺席《勁歌》宣傳。雖然相片中衞蘭外套內只着胸圍內褲，衞詩穿真空凸點透視裝，但性感狂野得來不失美感。衞蘭將於明日演唱會記招交代事件。
衞蘭和衞詩兩姊妹昨日原定要出席奧海城舉行的「《2006年度十大勁歌金曲頒獎典禮》勁歌金曲二十五週年名人廊」揭幕禮，不過由於昨日出版的《壹週刊》刊登了兩人03年兼職做模特兒時拍攝的性感照，據知兩姊妹得知照片被刊出後情緒大為激動，所以臨時甩底。
真空大膽拍硬照
兩姊妹於21歲時拍攝該輯相片，相片中衞蘭外套打開，內裏只穿胸圍底褲，衞詩更真空示範多套凸點透視裝，大膽程度令人嘩然。唱片公司發言人梁小姐昨日就事件回應說：「呢輯相係好耐以前，衞蘭幫理工大學設計系啲學生做模特兒，着住佢哋設計嘅衫嚟影相，冇乜特別。至於佢哋今日冇出席記者會，係因為公司希望喺衞蘭演唱會記招嗰日（明日）先一次過交代。」
祖兒想去食燒鵝
衞蘭和衞詩昨晚也缺席《勁歌》錄影，監製潘裕佳說：「佢哋原本下午同夜晚都有份，晏晝三點唱片公司通知我哋話唔嚟得，知道有雜誌出咗佢哋嘅相，會體諒，相信唔會影響佢哋喺頒獎禮嘅獎項。」
至於李克勤、古巨基、容祖兒（Joey）及何韻詩等，昨日則如常出席《勁歌》宣傳，下周六舉行的頒獎禮將增設「勁歌金曲25週年榮譽金曲獎」，由過去22首金曲金獎競逐，Joey憑《我的驕傲》入圍，她坦言奪獎信心不大。對於在叱咤頒獎禮上一身騎呢天鵝舞衣被網友取笑為「燒鵝湖」，Joey笑說：「I'mlovin'it，個名幾得意，我仲即刻想去深井食燒鵝㖭。」
李克勤連奪三年「最受歡迎男歌星」，今年有傳因不肯直播婚禮而觸怒無綫，令陳奕迅和古巨基成為大熱，他說：「我喺後面攝下攝下，準備咗冷手隨時執個熱煎堆，我係黑馬，實力會有，話晒都係賣碟王。」
採訪：駱華齡
攝影：陳順禎
