雖然DUCATI被喻為「電單車中的法拉利」已廣為人知，但以品牌名義，在本地正式成立的車主會，只係半年左右的事。一眾超級戰駒車主們又豈會滿足於定時遊車河、試車日，上星期一眾車手終於按捺不住，正式以品牌名義號召總值超過3百萬的戰車，跑到珠海國際賽車場試真章，不過最估唔到嘅，係揸住P牌嘅初哥阿Wing，以唔怕死心態惡盡全場！
文：Monaco
攝影：譚盈傑
限量戰車 日「派」3次
「珠海國際賽車場全長4.3公里，有14個彎，其中有兩個係實際唔存在嘅彎……」上過一輪理論課之後，改裝輕量化極力子連引擎一齊咆哮，賽道已經被每部戰車超過102Db的排氣聲籠罩起來。數數車種，由MONSTER620ie至999R總共18部，當中最辣當然係999同749S，不過最特別始終係PAULSMARTLE，貴為限量版跑車，身價幾近16萬，而且全港僅得廠方配發3部！原裝車有齊Brembo「SerieOro」卡鉗連320mm前碟、Ohlins避震、輕量化Trellis車架……不須改動，已具備落場規格。車主因錯過首日練習，故第二天落場顯得格外起勁，經常高速外圈Hard-braking，拖波挨身入彎，至午飯前，已經喺圈外「派」了3次啤牌！
多款DUCATI同場較量
今次一連兩日嘅車主活動，雖然首天大家只係作熱身練習，不過好多高手及戰駒均全力以赴，好似MONSTERS4、SUPERSPORT916等左穿右插，互不相讓，最搶眼仲係副會長嗰架「法拉利紅」749S，成套烈火戰衣襯番晒，落到Track感覺佢火氣零舍猛！
最「惡」P牌
已經「日車夜車」，更有一定賽道經驗，Wing仍自詡係初哥，始終，擁有戰駒749只有半年而已。原來，Wing身處澳洲時已用GTR參加地區改裝賽事，體驗過用SuperBike馳騁賽道之後，同鬥「四個轆」不可同日而語，「鬥房車同電單車嘅要求唔同咗，正如Ｎ組房車賽比技術，改裝車賽係更趨專業嘅賽事；玩電單車需要唔同嘅身體協調，反應要更快，體力消耗更大！」
10年計劃
同大多數「P牌仔」一樣，發哥亦係由操練大眾街車SUPER4開始，擁有DUCATI一直係發哥夢想，10年後擁有3年穩健行車紀錄，最後徵得發嫂同意，夢想終可實現。現時擁有MONSTERS4，玩盡都係遊車河，盡算機關都要一嘗落Track滋味，「有過理論同實習，落場識得走線位，日後行街可以學以致用喇！」
機長愛「怪獸」
車會會長Alvin日常工作需嚴謹操作龐然「空中巴士」，對於閒暇玩物亦有絕對要求!身為Die-Hard車迷，擁有DUCATI戰車，全因Alvin欣賞車廠由賽道至街道，都堅持運用L2汽缸引擎，且機械結構精良，車種高轉數大馬力仍有細膩的彎道表現。於是，由入門車款MONSTER至限量戰車DESMOSEDICIRR，皆成為Alvin收集目標。
花絮
