年尾最怕聽到公司裁員的流言，撞啱呢排公司棵鐵樹開花，唔通真係咁靈會炒人？個心囉囉攣無心工作，一於上網搵吓料，竟然見到有人問鐵樹開花的問題，一於問問方海閱師傅。話說當年日本人打到嚟時，香港有好多鐵樹都開花，所以啲人成日話鐵樹開花唔係好兆頭。方師傅話在風水學上，鐵樹開花代表有轉變，唔一定係厄運來臨。想知道鐵樹開花係好定壞，便要睇棵樹位於邊個方位，若果在北方財位，代表有財運；西南喜慶位則有喜慶事發生；正中位置便是招惹是非。如果鐵樹真係開花，可以在樹上掛紅繩或利是封，即可做到火（即利是封）木（即鐵樹）通明，化凶為吉。
網址： http://failforum.net/forum/viewthread.php?tid=415363&extra=page%3D1