容祖兒在05年的商台頒獎禮上奪得女歌手金獎時態度囂張，還問台下觀眾：「你哋唔係噓我呀！」今年她在同一頒獎禮上失掉了女歌手金獎，只得銀獎的她即時學會謙虛。首奪女歌手金獎的何韻詩就意氣風發，還和30多名fans開街頭祝捷會，阿詩，前車可鑑呀！
樂壇第二張成績表《06年度叱咤樂壇流行榜頒獎典禮》前晚在會展圓滿結束，事前鬥得難分難解的女歌手金獎由何韻詩奪得，其父母也有出席於都會海逸酒店的慶功宴支持愛女。滿場飛的阿詩於慶功宴後，即轉場和30多名歌迷往紅磡渡輪碼頭舉行10分鐘街頭祝捷會，心情勁high的她即場開香檳「吹喇叭」慶祝。
「開心都嚟唔切」
首奪叱咤女歌手金獎的何韻詩說：「最開心係身邊人，佢哋開心過自己，不過聽到台下嘅聲音拍掌都好感動。」提到容祖兒失落金獎，阿詩說：「唔好話失落，我同佢成績差唔多，最開心係上年同今年可以同佢同台一齊攞獎。」
另邊廂，僅得女歌手銀獎的容祖兒則強顏歡笑，聯同同公司獲得叱咤組合銀獎的Twins、生力軍金獎的泳兒出席慶功宴，與昔日比較相去甚遠。只獲銀獎的祖兒說：「開心都嚟唔切，戥好朋友高興。」問她可覺得自己的成績下跌？祖兒說：「冇可能永遠喺一個位置，自己仍喺三甲位置就好滿足。」對於我最喜愛的女歌手也給楊千嬅捧走，問祖兒可傷心？她謂：「冇期望就冇失望。」
Eason厚此薄彼
此外，在頒獎禮慘食白果的BMA唱片公司，旗下的歌手如關心妍及草蜢等缺席頒獎禮。至於在新城頒獎禮獲六獎也缺席慶功宴的Eason，前晚只得三個獎也出席慶功宴，問他為何厚此薄彼？他抵死地說：「我都係跟上車，只係上次跟咗去卡拉OK，今次跟咗嚟。」
採訪：李珮洳、駱華齡、馬建華
攝影：陳順禎、陳志嵐、陳俊強
