【本報訊】雖然港股屢創新高，隨時有下挫之危，但散戶對後市仍然充滿信心。本報電話調查顯示，超過八成股民無意沽貨套現，當中25%散戶更計劃增持股票。至於未有貨者絕大部份不敢入市高追。
本報昨晚六時至九時半，透過音頻電話成功訪問222位18歲或以上市民，96人表示現時持有股票，佔受訪人數43.24%。這批人之中，25%看好後市，將繼續增持；55.21%繼續持股；計劃趁高沽貨的只有19.79%。至於未有貨者有126人，其中93.65%無意入市；只有6.35%會跟風入市。
網民擔憂：玩緊接火棒
散戶蘇先生昨日接受傳媒訪問時表示，08年奧運舉行之前，A股市場仍屬樂觀，所以他對07年港股亦相當樂觀。
另外，股民在網上亦發表了慶祝股市創新高的言論。不少投資網友祈求首個交易日開出紅盤，其中HK164一開市便在《香港討論區》留言：「第一日市，千祈唔可以輸錢呀！」果然，港股不負所望，Libra好興奮：「係呢刻要享受騎牛牛嘅樂趣。」有網友揚言，起碼升到奧運。
在這個股市大時代，賺錢賺到笑的Easywin在《公眾投資168綜合論壇》表示，想辭職做全職股民，「一日坐係辦公室八個鐘，先賺得果一兩千，一日炒四個鐘股，已經賺幾萬蚊，真係辭職返屋企炒股好過喇！」Oichu78即時附和：「如果唔係撈政府工，早就辭職，炒兩個月股先至再搵工。」
不過，部份網友開始擔心個市太瘋狂，表示現時「玩緊接火棒嘅遊戲」，唔知邊個做最後嗰個。網友黑仔強更講咗個親身經歷，「自己以前做社工，有兩個朋友，一個係盲，一個係啞嘅，都話要我幫佢哋買股票，只要係『中字派』就可以喎！」