何事要勞動國家外滙管理局正副局長胡曉煉及李東榮齊齊出動？原來一向印象嚴肅嘅外管局，上星期舉行咗一場好特別嘅比賽──廣播體操比賽。當局與各司、各單位，以及滙金公司嘅員工，大家按工會分組，11支隊伍共350多人參加咗多項比賽。
咪以為只係一次秋季運動會，呢次比賽活動受到外滙局黨組嘅高度重視，局領導唔單止出席睇比賽、為獲勝隊伍頒獎外，胡曉煉同埋李東榮仲親自上陣參加比賽。
李東榮賽前話，呢次係開展全民健身活動，構建和諧機關的一項重要內容。據講，外管局自05年就恢復了機關每天上下午嘅工間操制度，即係齊齊做體操，有大部份職工積極響應喎。
經過兩個幾小時嘅激烈角逐同評委綜合評定，機關服務中心和中國外滙雜誌社平分咗一等獎，其餘參賽隊分別獲得二、三等獎。