內地收費便宜，短訊祝福嘅流行及普及程度，比起香港更厲害。於是好似假豉油、假雞蛋咁，有人諗到借機利用假短訊騙財，向消息者發送類似朋友問候嘅誘惑性短訊，誘騙用戶回覆，形成訂購信息被扣費用，或收取昂貴嘅附加費。中國信產部喺06年最後一日，就特地發出新聞稿，提醒用戶小心咪墮入消息陷阱。
信產部仲舉出一個典型誘騙短訊嘅內容，畀大家參考吓：1.「現在在哪裏呢？忙嗎？陪我聊聊好嗎？」2.你的郵箱有一封未讀郵件，你的朋友有急事找你，回覆請到xx查收，當日有效。」3.「尊敬的用戶，為感謝你的支持，特送您三首鈴聲，回覆8即可下載到您的手機上。」
雖然香港情況未有咁嚴重，但華華亦記得，曾有海外網站利用類似方式誘騙本地用戶，睇嚟，全球電訊商亦好應合作，抑止呢類行為。