貔貅是一種「有入無出」的催財風水物，聽聞開光後力量會更加大，最近討論區有個講貔貅的Post，開Post者係yau19992004，內容大致話佢陪朋友拎隻貔貅去開光，開光時師傅居然話見到佢喺貔貅個肚入面，仲話隻貔貅鍾意佢多過佢朋友。唔係咁邪？睇到我心都寒埋。唔通貔貅鍾意「食錢」外，仲會「食人」？方海閱師傅話這根本是無稽之談，貔貅無論有冇開光，都唔會食人落肚。貔貅又叫辟邪獸，係傳說中忠心護主的神獸，樣貌似鹿非鹿，似龍非龍，牠能找尋貴人及金錢，加上沒有「屁孔」，代表有入無出，最得求財者的歡心。至於開光儀式，一般可找佛教或道教師傅進行，但佛教主張四大皆空，若要將求財的貔貅開光，最好搵入世的道教師傅。
網址： http://www12.discuss.com.hk/viewthread.php?tid=3079548&extra=page%3D1