「我今日買咗燕窩食、我去咗照超聲波、我嘅預產期係4月、我想預約喺法國醫院生BB。」準媽媽songmei幾個月來懷着興奮心情等待分娩，在親子王國討論區內留下了多個幸福留言，但到了大除夕，songmei卻留言說：「我不想要個BB了……」
準媽媽songmei心情180度轉變，原來因為她懷着是BB女，丈夫不但要求她把胎兒打掉，還因此離家出走。
懷胎五個月
「因為性別問題，成日同老公嘈，佢唔係第一次離家出走，噚晚又走咗了，我真係好唔開心，所以唔打算要個BB，以後亦唔會再要。」懷胎五月的songmei度過了孤獨的除夕和元旦，為了令老公回心轉意，她寧願把胎兒打掉，「我噚晚半夜跑足5條街，又跳來跳去，點知都無事。」
songmei的留言旋即引起迴響，大批為人父母或準爸媽在網上留言，勸導她給BB一個生存機會。「你冷靜啲，個BB無做過任何嘢傷害你，佢嘅性別係由父親嘅精子決定。你同先生感情有問題，係你兩個人之間嘅事，勿將怨恨放在BB身上。」
在網民連番追問下，songmei道出了一個為男人而活的小女人故事。「我老公係台灣人，我大我老公好多，佢好想生個仔，但其實我唔想生，後來我哋諗住生就生一個仔就算。」原來songmei為了滿足丈夫而懷孕，但同樣為了丈夫而打算墮胎。
被批評自私
有人同情songmei，也有人批評她無腦兼自私，不過songmei表示主意已決：「如果可以唔要個BB，換番個老公，我一定會咁做！」