陳家瑛前晚去咗九龍灣出席大型派對，最近有傳徐濠縈全權管轄陳奕迅（Eason）嘅工作，陳家瑛因不甘做個掛名經理人而不和，所以將Eason份合約賣畀其他公司。當記者問到呢件事時，陳家瑛就做咗個OK手勢嚟打破傳聞，佢話：「我當阿徐係自己個女，大家好似一家人，平時一齊研究廚藝同湊仔經，佢從來唔干涉公事，唔好再傳，唔好再屈佢啦！對阿徐好唔公道。」
