吳京噚日現身北京朝陽交通支隊二層會議室，就早前醉酒駕車一事公開道歉，佢話：「作為一名公眾人物，我本應該正確地引導大家，卻醉酒駕車，這是我的錯。」吳京仲話要申請當志願者嚟宣傳交通安全。呢單嘢發生喺上個月13號凌晨1點幾，吳京喺工體南路俾朝陽交通支隊交警攔住，驗出佢酒精含量超高，之後被處以10日拘留、罰款1,800元人民幣同扣12分。