今天是新一年之始，萬象更新，去年年尾徐子淇趕及嫁給恆基二少爺李家誠，成為豪門少奶奶，令整個娛樂圈充滿溫馨暖意，踏入新的一年，究竟娛樂圈的戀人們，有哪一對率先跑出，成為07年首對結婚的新人呢？𤓓王吳卓羲可否如谷底的郭富城一樣，事業反彈呢？鄭秀文和宿敵楊千嬅在新一年是否會鬥個你死我活？有哪個男、女藝人在今年人氣急升，成功跑出呢？本報特意請來堪輿學家蘇民峰率先為上述問題推算，看他如何看07年的娛樂圈。 撰文：丁寧
黎明和樂基兒分手定結婚？
黎明和樂基兒自05年拍拖，二人愛得如膠似漆，不時出埠往峇里島、日本預支蜜月，黎明更首度公開樂基兒的女友地位；女方也為男友甘願用激光褪去大髀上的BB紋身，更減少夜蒲討好男友。二人於07年的感情運如何呢？
蘇民峰話：「黎明嘅忙運由佢39歲至44歲，忙足5年，之後事業會冇咁好，𠵱家佢40歲正係行緊忙運，而出年豬年見唔到佢有咩變化；至於樂基兒因為屬猴，出年太歲相穿，是非多，人事不和，但見唔到佢有分手運，佢結婚運都係30歲之後，出年嘅感情維持不變。」