新一代的女性，除了追求經濟及感情自主外，連鑽石也要自己買。貴為無綫花旦的黎姿近年除了專注工作外，對投資股票有興趣，還不時有斬獲，所以早前她便買了一粒過百萬的十卡鑽石獎勵自己辛勞工作，她稱如果等人送，怕等到頸長也等不到。
由《南方都市報》舉行的娛樂十年慶典，前晚在廣州天河體育館舉行，全身由Gucci贊助的黎姿與好拍檔林保怡同時獲得「十年電視傑出貢獻獎」，而曾志偉也奪得此獎項，但他沒有出席。至於薛家燕及文雋就得到「十年榮譽專欄作家」一獎，晚會邀得Soler及韓國舞王劉承俊表演。
買樓比較保值
黎姿笑稱起初以為是和林保怡為無綫劇集《金枝慾孽》領獎，她到場後才知是獲得個人貢獻獎項。她自爆於剛過去的12月份驛馬星動，不停四圍飛到內地工作，問她是否豬籠入水，黎姿笑說：「所以我都買咗份禮物獎勵自己，就係一顆超過十卡嘅鑽石，都要過百萬，7位數字。」問她為何不找男友贈送，黎姿謂：「鑽石都係自己買好啲，我近年喺投資股票方面有啲斬獲，都幾開心，如果鑽石等人送，可能等到頸都長埋，真係鍾意另一半，唔一定要送鑽石，最緊要係有心思啫。」黎姿還稱近年已減少買衫，因為發覺買衫不保值，反而鑽石同樓會比較保值。
在場的林保怡就被黎姿踢爆推掉了多套內地劇，他說：「係推咗兩套，因為要返香港拍戚其義嘅《珠光寶氣》，我冇黎姿咁精打細算，我鍾意買車，但唔保值，聽見股票都已經冇心機聽落去。」
榮升專欄作家
此外，問家燕姐何時躋身入專欄作家行列，她笑稱：「幫《南方都市報》寫專欄都寫咗年幾兩年，佢哋想我講番娛樂圈40年嘅體驗，每個禮拜出一次，自己都覺得可以跟內地觀眾拉近距離，我都有寫肥姐入院嘅事，Yumiko（鄭希怡）喺東華表演時甩褲，我喺現場嘅反應等。」
採訪、攝影：曾小嘉
