中國前國腳郝海東之前效力過英超錫菲聯，但係上陣機會幾乎等於零。不過相信佢唔使覺得遺憾，因為佢9歲半大個仔日前正式加盟該隊足球學校，話唔定將來可以打英超呢？原來囝囝潤澤最鍾意嘅位置係門將，但係父母可能希望佢繼承爸爸位置喇，結果被迫擔任前鋒，好可惜上陣5、6場波1個波都入唔到，睇來佢一啲都冇得到老竇遺傳喇！