24歲的陳景輝（圖）在保護天星行動中被捕，現保釋候查。新一年陳景輝的願望不是避過官非，「天星鐘樓、皇后碼頭、喜帖街，本來都係真實存在，係我哋生活嘅一部份，希望政府唔好再將我哋嘅生活變成回憶。」
特首曾蔭權表示日後諮詢保護古物古迹時，會考慮市民的集體回憶訴求，聽在陳景輝耳裏是一種歪理。「嗰啲建築係確實存在，點解將佢摧毀，然後留番個牌變成回憶？」他認為生活質素不單是清新空氣，還包括一代傳一代、延綿不絕的平民生活氣息。
「我哋成長嘅記憶同我哋嘅生活竟然係大斷裂，喺香港長大嘅人都愈來愈唔認得香港。」陳景輝警告：「如果政府以為拖拖吓就郁手拆皇后碼頭，佢哋一定會失敗，因為我哋唔係三分鐘熱度。」