日本人團結嘅民族性值得欣賞，好似效力蘇超榜首些路廸嘅中村俊輔，就向球會推薦國家隊隊友小野伸二，想話幫呢位回流浦和紅鑽嘅球星重返歐洲。其實小野效力飛燕諾嗰陣表現已經好好，不過因傷影響表現啫！所以佢絕對可以喺些路廸站穩陣腳。我求大俠覺得中村出到聲，成事機會好大，因為從球迷到領隊史特根都對佢着迷，講咩都受喇！