尊尼事務所大師兄嘅東山紀之，噚日被踢爆同年輕15歲女星內山理名秘密發展地下情，今年40歲嘅東山喺兩年前同內山合作拍劇而撻着，兩人多次被目擊喺東山寓所附近公開手拖手散步，又喺附近餐廳撐枱腳。東山曾經同女星牧瀨里穗、深田恭子等拍拖，另外亦有傳佢同86歲老牌女星森光子關係密切。