倖田來未前晚喺第48屆日本唱片大賞中性感演出，但佢竟然未能蟬聯大賞，僅得最優秀歌藝獎，相信連佢都始料不及。全晚最高榮譽嘅大賞，由演歌王子冰川清奪得，佢同倖田領獎時齊齊痛哭，明顯心情各異。雖然倖田仍感謝大會頒發歌藝獎，但賽前係熱門嘅佢心裏一定不是味兒。至於女歌手絢香則奪新人獎，非常正路。