皇家馬德里前鋒卡斯辛奴06年可謂頭頭碰着黑，上周六馬德里機場發生汽車炸彈爆炸，搞到佢由意大利返馬德里班機延遲降落，因而錯過噚日球隊首課訓練；咁仲未算慘啊！佢今次返意大利同AC米蘭斟加盟事宜亦唔順利，對方想先借後買，點知卡斯辛奴一口拒絕，𠵱家AC考慮緊羅致保真諾夫。今天踏入07年，希望卡斯辛奴可以轉運喇！