容祖兒在去年的叱咤樂壇頒獎禮中奪女歌手金獎被噓，她竟在台上爆出一句：「你哋唔係噓我呀？」事隔一年，事件還未被遺忘，網友kitt123與moonpizza分別在香港討論區內以「今晚叱咤我會現場噓容小姐！你幫唔幫手？」與「在噓聲中長大的容祖兒……」為題，與網友討論此事，結果只有一成人表示同情，逾八成網友均自言會「噓埋一份」。
0__0：點解個個唔噓要噓佢先？冇錯，係有人會鍾意佢，但亦都會有人勁憎佢囉，我就係其中一個。噓~~~
風力發電（衛斯理）：我想凡事有因有果，人們這樣對佢，她亦要自我檢討了。
welovejun：我唔明點解啲香港人咁鍾意佢，雖然我都係土生土長嘅香港人，我唔係話佢唱歌唔好聽，但佢啲歌K到唔K，自己又唔識作曲又唔填詞，人畀歌佢就唱，冇乜嘢聽過佢話自己落手落腳去做唱片囉。
枝村匠馬：我唔覺佢有俾人噓喎，除咗上年嗰次903噓完，幾時又有再被噓？喺呢度啲人唔鍾意佢，日日惡意人身攻擊啫……
Cynthia_0731：我雖然唔係Joeyfans，不過其實我覺得佢都冇乜嘢呀，唱歌okay掂喎，唔會憎佢，亦不會噓佢。
+HiN+：如果我有得入場一定噓佢，我精神上支持你，希望多啲人噓啦，加油！
資料來源：香港討論區