蘇民峰話：「好坦白講，喺玄學上係冇話咩姓氏要留意，根本就冇呢啲，有都係呃你啫，反而生肖就有喇，07年生肖屬龍、狗、鼠都係比較好嘅，會着數啲，利桃花，娛樂圈嘅藝人屬呢三個生肖都係比較好，有桃花即係有觀眾緣啦。特別係屬鼠嘅，因為今年豬年又係桃花年，屬鼠嘅朋友宜將桃花化作人緣，有助把事業推進一步。
「至於屬蛇嘅朋友就要留意，因為今年沖太歲，尤其容易有交通意外及損傷，要特別注意足、股、面、齒等部位，尤其係農曆4月及10月更會特別容易遇上意外。整體上，07、08、09年都屬水，水同經濟息息相關，因此娛樂圈今年運程都唔錯。」
攝影：仇志德