佘詩曼和陳豪前晚出席將軍澳倒數派對，一位婆婆扮到彩雀般到場跟二人合照，未獲婆婆邀請的馬浚偉一聞合照即上前攝位，十分礙眼。其實馬仔之前已多次被指借女藝人過橋自製緋聞宣傳，前晚他一心博出鏡，連阿婆都攝，實在有點過份。
無綫一班小生花旦前晚齊齊𢱑銀，為多個倒數活動擔任表演嘉賓，如將軍澳新都城有佘詩曼、陳豪和馬浚偉，上水廣場有蒙嘉慧、鄭嘉穎、陳法拉、高鈞賢和廖碧兒，新元朗中心有楊思琦和吳卓羲，大埔超級城則有黃宗澤、楊怡和李蘢怡等等，當中以阿佘和YoYo出席的倒數活動最為墟冚。
陳豪又哄又𠱁
在新都城活動上，阿佘和陳豪勁冧一班妹妹仔fans之餘，更吸引到一位打扮突出的老婆婆捧場，一心希望跟二人合照，婆婆知道上台玩遊戲可以跟二人近距離接觸後，即舉手參加，更拿出相機要求合照，陳豪着她玩完遊戲才合照，但婆婆未有理會，要陳豪又哄又𠱁始肯就範。
之後婆婆玩輸後又不肯落台，堅持要跟阿佘與陳豪合照，阿佘與陳豪只好順其意思，惟當婆婆與二人合照之際，馬仔竟忽然走上前攝位，認真礙眼。
黎姿日前表示花逾100萬元買10卡鑽戒來獎勵自己，但阿佘則大唱反調說：「我就唔買鑽石啦，自己寧願買車，唔買車嘅話就會買樓，但𠵱家啲樓太貴。」
在上水廣場倒數派對上，高鈞賢與陳法拉大跳辣身拉丁舞，又玩夾波遊戲，引得台下陣陣起哄，但論反應，卻是YoYo最為熱烈。皆因身材平平無奇的她，前晚竟穿上低胸宮廷服示人，以微波迎接新年，一出場即引來嘩聲四起。
黃宗澤望置業
至於被傳以數百個短訊打動胡杏兒芳心的黃宗澤，前晚公然與楊怡在台上手拖手。事後問他可有相約杏兒一起慶祝時，黃宗澤表示沒有，至於有否發短訊給對方？他說：「我會send畀好多人，但我會喺1月2號至send，特別啲，啲人會記得。」另外，黃宗澤又指早前在沙田看中一個約值500萬元的單位，可惜自己還未夠錢購買，惟有寄望新一年努力賺錢以圓其業主夢。
採訪、攝影：何永寧、藍文浩、張俊銘
