2006年埋單計數，好多球員年尾都表現出色，好似曼聯球星基斯坦奴朗拿度咁，近3仗場場都梅開二度；不過保頓嘅法國前鋒安歷卡亦唔輸蝕，近3仗入4粒，有佢入波保頓一定贏，係球隊進佔聯賽榜第3位嘅大功臣！我求大俠一路都幾鍾意安歷卡，可惜之前太任性搞到半紅不黑，今季回流英超明顯成熟好多，希望佢07年可更上一層樓喇！